Xəbərlər
22 Jul 2023
Şəhid Ailələrinə Sosial Dəstək İctimai Birliyinin xeyriyyə məqsədli satış-sərgisi
22-23 iyul tarixlərində "Park Bulvar" AVM təşkilati dəstəyi ilə Şəhid Ailələrinə Sosial Dəstək İctimai Birliyi xeyriyyə məqsədli olaraq əl işlərinin satış sərgisini təşkil etdi. Aksiyanın məqsədi isə yığılan vəsaitlərin şəhid ailələrinə, şəhid və qazi üzvlərinin sosial-məişət problemlərinin həllinə, eləcə də onların xəstə, əlil uşaqlarının müalicəsinə yönəltmək idi.
Qeyd edək ki, Şəhid Ailələrinə Sosial Dəstək İctimai Birliyi Qarabağda vuruşmuş, ölkəmizin bütövlüyü və müstəqilliyi uğrundan canını fəda etmiş şəxslərin, qazilərin və şəhid ailələrinin üzvlərini özündə birləşdirən, genişmiqyaslı fəaliyyəti ilə tanınan və 2011-ci il tarixində dövlət qeydiyyatına götürülmüş təşkilatdır. Ali Baş Komandan Prezident İlham Əliyevin rəhbərliyi və müzəffər ordumuzun Qarabağ qələbəsindən sonra dövlət ilə təşkilat arasında münasibətlər yüksələn xətt ilə inkişaf edir.
